باغی ټي وي رپورټ
د ضلع خیبر تحصیل جمرود کوکي خېلو او د کټیا خیلو قبیلې مشرانو حاجي زرمحمد، حاجي نورمحمد او حاجي کيميا ګل خطي خېل په جمرود پريس کلب کې خبري غونډې ته وويل، چې مونږ د کوکي خېلو د کټیا خیلو ذیلي څانګې د مکي خېلو سره تعلق لرو، هغوی اوویل مکي خیل دوه شاخه دي زمان خېل او سرخېل. د زمان خېلو له څلورو څانګو څخه مونږ د سرفراز خېلو سره تعلق لرو.
مشرانو اوویل چې سرفراز خېل له تېرو ۲۰۰ کلونو راهیسې د غلام حیدر د کورنۍ مشري کوي، مشرانو زیاته کړه چې
سرفراز خېل پخوا هم د خپل ولس مشري کړې او اوس هم رهبري کوي نو مونږ د بل چا مشري نه منو.
مشرانو اوویل چې دولتي ادارې او ټول ملت دې خاص پام وکړي چې د سرفراز خېل د غلام حیدر کورنۍ مشر حاجي نور محمد د حاجي نور مست زوی دی او بل هیڅوک هم زمونږ مشر نشه.
په جمرود کې مشرانو خبري غونډې ته وینا کړې
Leave a Reply