باړه کې زده کوونکو احتجاجي لاریون کړې دې

باغی ټي وي رپورټ
د ګورنمنټ ډگري کالج کوهي شير حيدر تحصیل باړه په سلګونو زده کوونکو د خيبر سټوډنټس يونين ترسیوري لاندې په یاد کالج کې زده کوونکو ته راپیښې د ستونزو په ضد يوه لويه احتجاجي مظاهره وکړه.
دا مظاهره د مرکزي صدر رفيع الله، کالج صدر مجيب الله او سيکرټري جنرل سميع الله آفريدي په مشرئ کښي ترسره شوه او احتجاج کوونکو بينرونه او پلے کارډونه نيولي وو چې د خپلې ستونزو هوارولو لپاره ی په دې بیلا بیلې نعرې او غوښتنې لیکلې وې.
په دې موقع زده کوونکو اوویل چې زمونږ په کالج کې زده کوونکي یو شمیر ستونزو سره مخ دي او هغوی غوښتنه وکړه چې ددوی دا ستونزې دې په بیړني توګه هوارې شي. زده کوونکو اوویل چې ددوی په کالج کې تر ډیر وخت نه پرنسپل چوکۍ خالي ده، په کالج کې استاذان هم کم دی چې له وجهې ی د زده کوونکو راروان وخت د بد متاثره کیدلو امکان دي، هغوی غوښتنه وکړه چې په کالج کې د استاذان مقرر کړې شي، په لیبارټرې کې دې هم ضروري سامان زیات کړي شي او په دې کالج کې د لوبو لپاره یو میدان هم جوړ کړې شي.