په تورخم کې لارې په یو مزدور ماشوم ختلې، ماشوم ځای په ځای اووژل شو

باغي ټي وي رپورټ
په پاک افغان پوله تورخم یو مزدور ماشوم لارۍ وهلې او ځای په ځای مړ شوې دې، رسنیو ته چې کوم تصویر په لاس راغلې هغه تصویر په رسنیو خپرول مناسب نه دي ځکه چې وژل شوې ماشوم د لارې لاندې په وینو سرو ککړې پروت دې.
په تورخم کې سرچینو رسنیو ته ویلي دي چې یو مزدور ماشوم د یوې لارې د ټکر په وجه وژل شوي دې ، سرچینې وایی چې دا هغه ماشوم وو چې به تورخم پوله مزدوري کوي ، د پاکستان څخه سامان افغانستان ته وړي او د افغانستان څخه سامان پاکستان ته راوړي چې د خپل خاندان لپاره خرڅ خوراک وګتي.
د یادونې ده چې څو ورځې وړاندې هم یو دوه ماشومان په تورخم پوله د لارې د ټکر په وجه سخت ټپیان شوي دي، د تورخم سرچینو مطابق دې کارکوونکو او مزدورانو ماشومانو باندې په پوله تعینات اهلکار تشدد هم کوي او دوی سره سخته رویه کوي.