د افغانستان نه د افغان وګړو وتل جاري دي

باغي ټي وي رپورټ
په ۱۵ اګست کال ۲۰۲۱ د ټول افغانستان کنټرول د افغانستان اسلامي امارت ترلاس لاندې راغلو او په ۳۱ اګست کال ۲۰۲۱ د افغانستان نه د امریکایی او نیټو فوځونه هم واپس شول او بهرنی هیوادونو په افغانستان قبضه په رسمې توګه پای ته ورسیده.
په تورخم کې د سرکارۍ اهلکارو مطابق پرون په پرون په ۱۵ جنوري ۷۳ دري اویا افغانان د تورخم له لارې پاکستان ته داخل شول چې بیا به دې هیواد نه بهر هیواد ته سفر وکړي، په دې ۷۳ کسانو کې ۲۸ افغان زده کوونکي، ۲۱ افغان ماشومان،۶ سیکوریټي ګارډ، ډرایور او اسسټنټ منیجر شامل وو.
دا صرف پرون ورځ نه ده چې افغانان وګړي بهرهیوادونو ته سفر کوي ،هره ورځ افغانستان نه په سلګونو هغه خلق چې لوړې زده کړې ی کړي او څه هنر لري هغوی ټول د افغانستان څخه په کډه دي.
د افغانستان اسلامي امارت باید دې ستونز ته ځانکړې پاملرنه وکړي ، د اسلامی امارت مشران او عبوري حکومت باید په افغانستان کې داسې پالیسۍ اعلان کړي چې دې هیواد ته نور افغانان واپس را وګرځي او ددي هیواد په پرمختګ کې برخه واخلي. که د افغانانو د افغانستان نه دغسې واپسي جاري وی نو په افغانستان کې به د ښوونکو، ډاکټرانو، انجنیرانو او داسې نور تخنیکی خلقو کمې او نشتوالۍ مخې ته راشي او په دې هیواد کې به د افغانان ژوند نور هم سخت شي.
په داسې وخت کې د اسلامي امارت حکومت باید دې ستونزې ته خاص پاملرنه وکړي، دلته داسې کارونه بیا و نه کړي چې د اسلام او افغانستان څخه د نړۍ کرکه پیدا شي.