امریکا پۀ ملګرو ملتونو او نړۍوالو خیریه بنسټونو غږ کړی چې افغانستان سره مرستې ډېرې کړي 

امریکا پۀ ملګرو ملتونو او نړۍوالو خیریه بنسټونو غږ کړی چې افغانستان سره مرستې ډېرې کړي 

د امریکا د بهرنیو چارو وزیر انتوني بلینکن په تازه ټوېټ پیغام کې ویلي چې د ملګرو ملتونو د بشري مرستو له مشر او دغه راز د سره صلیب نړیوالې کمېټې له مشر سره یې په افغانستان کې پر روان وضعیت او بشردوستانه مرستو خبرې کړې دي.

(2022 / 1 / 15  نېټه باغي ټلویزیون)

بشپړ راپور 

امریکا پر ملګرو ملتونو او نړیوال سره صلیب غږ کړی چې له افغانستان سره خپلې مرستې پراخې کړي.

د امریکا د بهرنیو چارو وزیر انتوني بلینکن په تازه ټوېټ پیغام کې ویلي چې د ملګرو ملتونو د بشري مرستو له مشر او دغه راز د سره صلیب نړیوالې کمېټې له مشر سره یې په افغانستان کې پر روان وضعیت او بشردوستانه مرستو خبرې کړې دي.

بلینکن وايي په دې خبرو کې له افغانستان سره د بشردوستانه مرستو پر دوام او د هڅو پر همغږي کولو ټینګار شوی دی.

هغه زیاته کړې چې امریکا د افغانستان د خلکو ساتنې او له دوی سره بشردوستانه مرستو ته ژمنه ده او خپلو هڅو ته به ادامه ورکوي.

بلینکن تېره ورځ هم په یوه مرکه کې له افغانستان سره د بشردوستانه مرستو پر دوام او پراختیا ټینګار کړی و.