وزیراعلی د سوات دوره کړې

باغي ټي وي رپورټ
د خیبر پښتونخوا وزیر اعلی محمود خان په سوات کې یوې غونډې ته وینا کړې ده او ویلي ی دې چې حکومت د عوام د سهولت او خوشحالۍ لپاره عملي هڅې کوي چې عام اولس ته سهولتونه ورکړي.
په وینا کې محمود خان اوویل چې پاکستان تحريک انصاف د عوامي فلاح په ټولو پروژو کار کوي. د لویو پروژو په بشپړیدو سره به په صوبه کې د اقتصادي پرمختګ نوی دور پیل شي، هغه زیاته کړه چې په نوي پاکستان کارډ کې به د صحت کارډ، کسان کارډ، راشن کارډ هم شامل وي.
د خېبرپښتونخوا وزيراعلي محمود خان د سوات د دورې ترڅنګ د مختلفو پرمختيائي پروژو پرانسته هم وکړه.
وزيراعلي په سيدو کالج آف ډينټسټري کښې د هسپتال بلاک، کالج بلاک او باونډري وال جوړولو پرانسته هم وکړه.د جاري شوی بیان مطابق په دې منصوبه ۷۱ کروړه روپۍ لګښت راغلی دی.
وزیراعلی په سیدو میډیکل کالج کې د هاسټل، لیکچر تهټرز، لیبارټریو او آډیټوریم په شمول د نورو یو شمیر ودانیو پرانسته هم وکړه.دا منصوبه د 1.1 اربه روپو په لګښت بشپړه شوې ده.
وزيراعلي په سيدو ټيچنګ هسپتال کښې د کيت ليب پرانسته وکړه.
د کیتهه لیب په جوړولو ۱۷ کروړه روپۍ لګښت راغلی دی.وزيراعلي د ريجنل بلډ سنټر پرانسته هم اوکړه، دغه منصوبه د 24 کروړه روپو په لګښت بشپړه شوې ده.