ګل بانو د اقلیتي مشرانو ته باور ورکړې چې ددوی ستونزې به هوارې کړې شي

باغی ټي وي رپورټ
د پیښور ايډيشنل ډپټي کمشنر ميډم ګل بانو په مشرۍ کښې د بين المذاهب هم غږي کونسل مهمه غونډه اوشوه. په غونډه کې د پیښور سیمې د اقلیتونو مشرانو هم په دې موقع موجود وو.
د بين المذاهب هم غږي کونسل يوه مهمه غونډه د ايډيشنل ډپټي کمشنر ميډم ګل بانو په مشرۍ کښې وشوه چې پکښې بابا جي ګرپال سينګ، پرويز اقبال او فواد اختر هم ګډون اوکړو۔
د غونډې ګډون کوونکو اقیتي مشرانو د خپلو ستونزو په اړه ایڈیشنل ډپټي کمشنر ته خپلې ستونزې وړاندې کړې.
د پيښور ايډيشنل ډپټي کمشنر د دوي ستونزي واوريدې او اړونده څانګو او افسرانو ته ئي هدايات ورکړو چي د اقلیتونو ستونزو د هوارولو لپاره دې عملي هلې ځلې وکړي۔
په دې موقع ګل بانو دا هم اوويل چې ضلعي انتظاميه د اقليتونو د ستونزو د هواري لپاره حاضره ده او د دوي د دفتر دروازې د دوي لپاره تل خلاصي دي۔
په دي موقع د مختلفو مذهبونو سره تعلق لرونکونمایندګانو او مشرانو د ايډيشنل ډپټي کمشنر پيښور څخه مننه وکړه.