د تصفیې کمیسیون وايي چې پۀ دیارلسو ولایتونو کې مو لۀ ۲ زره ډېر نامطلوب کسان لۀ لیکو اېستلي 

د تصفیې کمیسیون وايي چې پۀ دیارلسو ولایتونو کې مو لۀ ۲ زره ډېر نامطلوب کسان لۀ لیکو اېستلي 

حکیمي ټینګار کړی دی چې ډېری نامطلوب کسان یې د خلکو د شکایتونو پر اساس له خپلو صفونو څخه ایستلي دي. هغه څرګنده کړې ده چې د تصفیې چارو تر بشپړېدو وروسته به دغه کمیسیون لغوه او یوازې د شکایتونو برخه به یې فعالیت ولري.

(2022 / 1 / 13  نېټه باغي ټلویزیون)

بشپړ راپور 

د افغانستان ا.ا د صفونو د تصفیې کمیسیون مشر مولوي لطف الله حکیمي ویلي چې په ۱۳ ولایتونو کې یې تر دوه زره ډېر نامطلوب کسان د خپلو ځواکونو له لیکو څخه ایستلي دي.

نوموړي له سپوږمۍ راډیو سره په ځانګړې مرکه کې زیاته کړې ده چې ۱۳ ولایتونه پاک اعلان شوي دي او په نورو ولایتونو کې هم د دوی چارې په چټکۍ روانې دي څو ژر تر ژره وکولی شي هغه کسان له خپلو لیکو وباسي چې د ناوړه استفادې لپاره د دوی لیکو ته داخل شوي دي.

حکیمي ټینګار کړی دی چې ډېری نامطلوب کسان یې د خلکو د شکایتونو پر اساس له خپلو صفونو څخه ایستلي دي. هغه څرګنده کړې ده چې د تصفیې چارو تر بشپړېدو وروسته به دغه کمیسیون لغوه او یوازې د شکایتونو برخه به یې فعالیت ولري.