د تحریک طالبان ویاند په ننګرهار کې اووژل شول

باغی ټي وي رپورټ
د افغانستان په ننګرهار ولایت کې د کالعدم تحریک طالبان پاکستان ویاند محمد خراساني وژل شوی دی. د تفصیلاتو له مخې ترهګر محمد خراساني چې په پاکستان کې په ګڼو چاودنو او ترهګریزو پیښو کې لاس درلود د دوشنبې په ورځ په ننګرهار کې ووژل شو.
د مشرق نیوز رپورټ مطابق محمد خراساني اصلي نوم خالد بلتي وو او له شاهدالله شاهد وروسته د کالعدم ټي ټي پي وياند جوړ شو. نوموړي د شمالي وزیرستان په میرانشاه سیمه کې د ترهګرو یو مرکز هم چلاوه. د ضرب عضب عملیاتو له بریالیتوب وروسته خراساني افغانستان ته وتښتید. ترهګر محمد خراساني په دې وروستیو کې په پاکستان کې دننه د بېلابېلو عملیاتو لپاره لارښوونه کولو. نوموړی د پاکستان په خلکو او امنیتي ځواکونو په یو شمېر بریدونو کې هم لاس لرلو.