پاکستان په مالي مرسته جوړ د افغانستان په درې روغتونونو کې د ۲ ملیارده روپو په مرسته د بیا رغونې او پیاوړي کولو چارې پیل شوي دي

نصیب شاه شینواري
د روغتیا د ملي خدمتونو د مقرراتو او همغږۍ وزارت (NHSRC) یو طبي ټیم افغانستان ته استولی چې په جګړه ځپلي هیواد کې د بشري مرستو د یوې برخې په توګه په دریو روغتونونو کې د بیارغونې له بهیر سره مرسته وکړي او ددې روغتونونو د بیا رغونې چارې بشپړه کړي.
په ایکسپریس ټریبیون ورځپانړې کې چاپ د یو رپورټ مطابق په دې ټیم کې د انجینرانو او تخنیکرانو په ګډون دې طبي ټیم تر دې دمه په جلال اباد، لوګر او کابل کې د پاکستان په مالي مرسته د دریو روغتونونو د جوړولو چارې بشپړې کړي دي.
دغه جزیات او تفصیلات نن د افغانستان د کورنیو چارو وزارتونو د همغږۍ د څانګې (AICC) په یوه غونډه کې شریک کړې شول. په دې غونډه کې د بهرنیو چارو وزارت، کورنیو چارو وزارت، د روغتیا ملي خدمتونو او د عوایدو د فدرالي بورډ (FBR) استازو په کې ګډون لرلو. په غونډه کې دا خبره هم شریکه کړې شوه چې د دوه اربه روپو په ماليت د طبي آلاتو لګولو او كمېشن كولو كار روان دى۔
د ایکسپریس ټریبیون رپورټ چې رضیه خان لیکلي زیاتوي چې د طبي وسایلو د فعالولو لپاره دې تخنیکي ماهرینو سره د څلورو پاکستاني انجینرانو یوه ډله شپه او ورځ کار کوي. رپورټ زیاتوي چې دا هڅX به په ګاونډي هیواد کې د یونیورسل هیلتهه کوریج (UHC) ترلاسه کولو کې مرسته وکړي.
دلته به دا خبره مهمه ده چې د یو نیورسل هیلتهه کوریج څخه دا مقصد دې چې په افغانستان کې به وګړو ته بغیر د څه ستونزې په آسانیتاوې سره د طبی خدمتونه په لاس راشي، چې دا معنی لری چې عام وګړو ته بغیر د څه توپیره د علاج کولو سهولت او اسانتیابه په لاس راشي.
په رپورټ کې وایی چې د پاکستان له اړخه د طبی ټیم دغه بشري مرستې ددې نه علاوه دي چې پاکستان حکومت په پوله افغان مریضانو ته د ویزه ورکولو او د ژوند د ژغورنې دارو درملو ورکولو چارې په عملي توګه پیل کړي دي.
د پاکستان حکومت له لوري په دې لنډ وخت کې په پوله کې د ناروغانو لپاره د طبي ویزې اسانتیا او افغانستان ته د بیړني ژوند ژغورونکي درملو چمتو کولو سربیره، پاکستان د 500 ملیونو روپیو داروګان ورکولو اعلان هم کړې دي.
رپورټ زیاتوي چې د بشري مرسته د پاکستان وزیراعظم عمران له اړخه اعلان شوې د افغانستان لپاره د ۵ اربه روپو د بشري مرستو یوه برخه ده.
د ګډ پوليو واکسيین پروګرام په مرسته د پوليو له منځه وړلو د ګډ همغږۍ پروګرام تر څنګ، پاکستان په دې راضي او فیصله ی کړې ده چې د افغان روغتيايي سيستم د ظرفيتونو د لوړولو او اداري جوړونې په برخه کې روزنه ورکړي چې د افغانستان د روغتیا وزارت او طبی چارې نورې هم پیاوړې شي او افغان اولس او ماشومان د پولیو ناروغۍ څخه وژغورل شي.
د درمل جوړولو د صنعت یو پلاوی به هم د پانګونې او په افغانستان کې د کورنیو درملو د تولید په برخه کې د مرستې لپاره افغانستان ته سفر وکړي چې په دې هیواد کې دننه داروګان جوړ کړې شي چې افغان اولس ته په هیواد دننه دارو درمل په لاس راشي.