هند کې یو مذهبي زیارت کې د خلکو ګڼه ګوڼه؛ چارواکي وايي ۱۲ کسه تر پښو لاندې شوي او وژل شوي دي 

هند کې یو مذهبي زیارت کې د خلکو ګڼه ګوڼه؛ چارواکي وايي ۱۲ کسه تر پښو لاندې شوي او وژل شوي دي 

د هند د اضطراري چارو د ادارې یو مسؤل بیا ویلي چې د ټېل ماټېل پیښه د شپې په شاوخوا ۲ بجو او ۴۵ دقیقو شوې او ویلي یې دي چې حکومت د پیښې په هکله د څیړنو امر کړی.

(2022 / 1 / 1نېټه باغي ټلویزیون)

بشپړ راپور

د هند تر کنترول لاندې کشمیر کې په یو مذهبي زیارت کې د خلکو په ټېل ماټېل کې ۱۲ تنه مړه شوي او ۲۰ ټپي شویدي.

هندي چارواکو ویلي چې ښایي د وژل شویو او ژوبلو شویو کسانو شمیر نور هم ډیر شي ځکه چې زیارت ته چې د یوې غوڼدۍ په سر کې دی د اندازې نه ډیر خلک ورغلي و او ټولې لارې بندې وې.

د ماتا ویشنو دیوي زیارت د هند په شمال کې د هندو مذهب یو تر ټولو سپیڅلی ځای دی چې هره ورځ ورته لس ګونه زره خلک د عبادت لپاره ورځي.

د هند د اضطراري چارو د ادارې یو مسؤل بیا ویلي چې د ټېل ماټېل پیښه د شپې په شاوخوا ۲ بجو او ۴۵ دقیقو شوې او ویلي یې دي چې حکومت د پیښې په هکله د څیړنو امر کړی.

د هند صدراعظم نریندرا مودي په پیښه خفګان ښودلی. مودي په ټویټر کې لیکلي چې د خلکو په وژل کیدو بې حده خفه دی او د سیمه ایزو چارواکو سره په اړیکه کې دی