ایران: کابل کې مو د سفارت چارې په عادي ډول روانې د

ایران: کابل کې مو د سفارت چارې په عادي ډول روانې دي

د ایران د بهرنیو چارو وزارت ویلي چې په کابل کې د دغه هېواد سفارت په عادي ډول خپلو چارو ته دوام ورکړی دی.

(2021 / 8 / 30 نېټه باغي ټلویزیون)

د ایران د بهرنیو چارو وزارت ویلي چې په کابل کې د دغه هېواد سفارت په عادي ډول خپلو چارو ته دوام ورکړی دی. د دغه وزارت د مرکزي اسیا مرستیال سید رسول موسوي ویلي چې دوی افغانستان ته تازه دمې ډیپلوماټان هم لېږلي دي څو له ایراني سفیر سره د چارو په مخته وړلو کې مرسته وکړي. موسو‎ي زیاته کړې چې دی هم د یوې ورځې لپاره کابل ته تللی دی او دلته یې له خپلو ډیپلوماټانو او سفارت څخه لیدنه کړې ده. ایران دا څرګندونې وروسته تر هغه کوي چې په دې وروستیو کې کله چې طالبان پر کابل واکمن شوي دي ګڼ شمېر غربي سفارتونو په دغه هېواد کې خپل سفارتونه تړلي او خپل ډیپلوماټان یې ایستلي دي.