افغانستان کې؛ روان وضعیت پنځه میلیونه ماشومان اغېزمن کړي دي

افغانستان کې؛ روان وضعیت پنځه میلیونه ماشومان اغېزمن کړي دي

د ماشومانو د ملاتړ صندوق یا یونسف وایي په افغانستان کې د روان وضعیت له امله شاوخوا پنځه میلیونه ماشومان اغېزمن شوي دي.

(2021 / 8 / 30 نېټه باغي ټلویزیون)

د ماشومانو د ملاتړ صندوق یا یونسف وایي په افغانستان کې د روان وضعیت له امله شاوخوا پنځه میلیونه ماشومان اغېزمن شوي دي. ددغه بنسټ له لوري په تازه خپره شوې اعلامیه کې راغلي چې شاوخوا څلور میلیونه ماشومان په افغانستان کې ښوونځي ته له تګ محروم شوي دي، شاوخوا درې سوه زره د وچکالۍ له امله بېځایه شوي او تر پنځو کلونو کم عمره شاوخوا یو میلیون ماشومان په افغانستان کې له خوارځواکۍ سره مخ دي. دغه بنسټ همدا راز ویلي چې په افغانستان کې ګڼې مرستندویه موسسې له خپلو فعالیتونو په شا شوې دي چې دا هم د افغان ماشومانو ژوند ته لوی ګواښ دی. یونسف ویلي چې ښوونځي ته له لاسرسي په پاتې ماشومانو کې شاوخوا ۲،۲ میلیونه یې نجونې دي.