د روسیې ولسمشر د اسلام پیغمبر ته توهین کول د بیان آزادي نده

د روسیې ولسمشر د اسلام پیغمبر ته توهین کول د بیان آزادي نده

وروسته له هغې چې په فرانسه کې شارلي ابدو مجلې د اسلام د ستر پیغمبر حضرت محمد صلی الله علیه وسلم کارتونونه خپاره کړل، دوو وروڼو سعید او شریف کاوشي په پاریس کې د مجلې پر دفتر برید وکړ او د دې مجلې د مدیر په ګډون یې دولس کسان ووژل.

(2021 / 12/ 24 نېټه باغي ټلویزیون)

بشپړ راپور

د روسیې ولسمشر ولادیمیر پوتین وايي، د اسلام پیغمبر ته سپکاوی د بیان ازادي نه ده.

نوموړي ویلي، دا له مذهبي ازادۍ سرغړونه او د مسلمانانو په سپېڅلو احساساتو لوبې کول دي. نوموړي ویلي، د اسلام پیغمبر ته سپکاوی افراطیت ته لمن وهل دي.

د روسیې د ټاس خبري اژانس د راپور له مخې، پوتین په ۲۰۱۵ کال کې د اسلام د ستر پیغمبر حضرت محمد صلی الله علیه وسلم د کارتونونو د خپرولو په خاطر د شارلي ابدو مجلې برید ته په اشارې ویلي، چې افراطي ډلې له دې فرصته ګټه اخلي.

د ده په اند، هنري ازادي نامحدوده نه ده او بايد د نورو له ازادۍ څخه سرغړونه ونشي.

هغه مهال د ډنمارک او فرانسې حکومتونو د بیان د ازادۍ تر نامه لاندې د دغو کارتونونو د خپرولو ملاتړ کاوه

د روسیې ولسمشر ولاد میر پوتین