په خیبر پښتونخوا کې پي ټي آیی امیدواران ماتې سره مخ شوي

باغي ټي وي رپورټ
د خېبرپښتونخوا په بلدياتي انتخاباتو کې پاکستان تحريک انصاف د میئر په انتخاباتو کې ماتې خوړلې او د تحصيل کونسلونو د چيئرمېن په انتخاباتو کې هم جمعيت علماء اسلام ډیرې څوکۍ ګټلي دي.
د جیو نیوز رپورټ مطابق په خېبرپښتونخوا کې د بلدياتي انتخاباتو په لمړي پړاؤ کې د دسمبر په 19مه نېټه د صوبې په 17 ضلعو کې د 61 تحصیلي کونسلونو (چیئرمین) څوکیو څخه په 60 او د 5 سټي کونسلونو (ښاروالانو) څوکیو څخه په 4 کې ووټونه اچول شوي چې پایلې یې په آخري مرحلو کې دي.
د خېبرپښتونخوا د بلدياتي انتخاباتو لپاره د پينځو ښارونو ميئرانو لپاره پولنګ کول پکار وو خو د ډيره اسماعيل خان د ښاري کونسل لپاره د عوامي نيشنل ګوند د ميئر د اميدوار د وژنې له امله پولنګ وځنډول شو او د مردان، پيښور، کوهاټ او په بنو کې د څلورو ښاري شوراګانو لپاره ووټونه واچول شول.
د رپورټ مطابق په پيښور، مردان، بنو او کوهاټ کښې د پي ټي آئي هيڅ اميدوارهم نه دې کامياب شوې.