باغي ټي وي رپورټ
د افغانستان نه داسې رپورټونه خپاره شوي دي چې د اسلامی امارت اهلکارو د تحریک طالبان پاکستان مشر عمرخالد خراساني امنیتي ساتونکې او ډرایور نیولي دي .
د قبایلي سیمې یو خبریال ارشد مهمند په خپل ټویټر پانړه لیکلي چې افغان طالبان د عمر خراساني د نیولو لپاره هڅې کولې او پرون چې دوی په ځای نه وو نو افغان طالبانو ددوی باډی ګارډ او ګاړي چلوونکې نیولي دي، په ټویټ کې لیکي چې د څو ورځو نه د اسلامی امارت اهلکار عملیات پیل کړي وو چې عمر خالد خراسانی ونیسي.
په ټویټ کې هغه لیکلي چې افغان طالبانو ددې بیان نه تصدیق او نه تردید کړې دې خو داسې ویل شي چې عمر خالد خراسانی د پاکستان سره د ډزبندې معاهده کولو خلاف وو.
د یادونې ده چې په تحریک طالبان پاکستان کې عمر خالد خراساني یو ځان ته او مضبوطه ډله لري کومه ی چې په کال ۲۰۱۴ کې د جماعت الاحرار په نامه بنیاد ایښې دې. د سرچینو مطابق د نیول شوي د عمر خراساني نزدې ملګري او ډرایور نامه یاسر ده.
د ټي ټي پي باډي ګارډ و نیول شو
Leave a Reply