د پاک افغان همکارۍ فورم په تورخم پوله افغان وګړو ته د امدادي سامانونو اووه ټرکونه وسپارل

باغي ټي وي رپورټ
د تفصیلاتو له مخې د پاک افغان همکارۍ ټولنې او خدیجة الکبرا ویلفیئر ټرسټ لخوا مفتي طارق مسعود مفتي محمد فیاض او ایڈیشنل اسسټنټ کمشنر لنډي کوتل اشرف الدین د افغانستان اسلامي امارت مشر محمد نسیم احمدي ته د امدادي سامانونو ډکې ۷ لارۍ وسپارلې.
په دې مرستو کې کمبلې او د خوراکي توکۍ شامل وو کوم چې افغان چارواکو ته ورکړل شول.
په دې موقع دافغانستان داسلامي امارت نماینده محمد نسيم احمدي وويل چې په افغانستان کې څه دپاسه يو ميليون ماشومان په خوارځواکۍ اخته دي او نور افغانان هم له سختو ستونزو سره مخ دي .
افغان حکومت نماینده زیاته کړه چې په داسې وخت کې ملګري ملتونه او نور هېوادونه بايد په دې سخت وخت کې د افغانستان له خلکو سره پوره مالي مرستې او نور مرستندويه توکي برابر کړي چې د افغانستان د خلکو ستونزې راکمې شي.
افغان چارواکو په دې موقع د پاکستان حکومت او د پاک افغان د همکارۍ فورم ستاینه وکړه او زیاته ی کړه پاکستان تل د افغان ولس سره په سختو وختونو کې مرسته کړې چې له امله یې د پاکستاني چارواکو او خلکو مننه کوو. د یادونې ده چې په تیرو څو میاشتو کې د پاک افغان همکارۍ ټولنې ، جماعت اسلامي او د پاکستان نورو انساني مرستندویه ادارو له اړخه په افغانستان کې د ځپلي اولس لپاره په ټنونو خوراکي توکي ، داروګان او د ژوند نور ضروري سامان د تورخم ، غلام خان بارډر په لاره افغانستان ته لیږل شوي دې چرته چې دا مرستې په مستحقو افغان اولس تقسیم کړې شوي دي.