په کابل کښې د سي آيي اې دفتر تباه کړې شو

باغي ټي وي رپورټ
د افغانستان د پایه تخت کابل نه داسې رپورټو په رسنیو کښې خپاره شوي دې چې د امریکې د سي آیی اې ( سنټرل انټیلیجنس ایجنسي) دفتر په بمونو سره تباه کړې شوې دې .
د رپورټ مطابق د سي آیی اې دفتر ځکه تباه کړې شول چې چرته حساس معلومات او نور ضروری سامان د طالبانو یا بل چا لاس ته و نه رسي.
د رپورټ مطابق د کابل هوایی ډګر باندې د چاودنو په شپه د سي آيي په دفتر کښې هم چاودنه وشوې ، د امارت اسلامی د قطر دفتر ویاند سهیل شاهین ویلي چې د کابل خلق دي هیڅ ډار نه کوي ځکه دا چاودنې امریکې په خپل سي آیی دفتر کښې کړي دي.
یاده دې وی چې په کابل هوایی ډګر د امریکې اولس مشر بایډن د برید خبردارۍ ورکړې وو او نن ی بیا خبردارس ورکړې چې په کابل هوایی ډګرد یو بل برید خطره ده او امریکنیان دې د کابل هوایی ډګر د دروازو نه لاړ شي.