قاري یوسف احمدي: خلک دې ټول دولتي اجناس مربوطه ادارو ته وسپاري
قاري یوسف احمدي په تازه څرګندونو کې ویلي چې خلک دې ټول دولتي اجناس مربوطه ادارو ته وسپاري.
( 2021 / 8 / 28 نېټه باغي ټلویزیون)
د دولت د رسنیو مرکز رئیس قاري یوسف احمدي ویلي چې خلک دې ټول هغه دولتي تجهیزات چې د تېر نظام د سقوط پر مهال یې کورو ته وړي مربوطه ادارو ته وسپاري، نوموړي زیاته کړې چې مخکې تر دې چې زموږ د کشف او یا استخباراتي معلوماتو ته اړتیا پېښېږي باید خلک خپله ځان سره وړي وسایل بیرته مربوطه ادارو ته وسپاري کنه بیابه ورسره قانوني چلند وشي.
ښاغلی احمدي دا څرګندونې په داسې مهال کوي چې د طالبانو تر واکمن کېدو وروسته ډیری خلکو دولتي تجهیزات او امکانات له ځان سره کورو ته وړي دي.
Leave a Reply