لوېدیځو هېوادونو له کابل هوايي ډګر څخه د اتباعو ايستلو عمليات پای ته رسولي

لوېدیځو هېوادونو له کابل هوايي ډګر څخه د اتباعو ايستلو عمليات پای ته رسولي

دوی وايي تر دې وروستهبه دناټو غړي هېوادونه د خپلو اتباعو او همکارانو د ویستلو لپاره هېڅ الوتنه ونلري.

(2021/ 8 / 28 نېټه باغي ټلویزیون)

لوېديځو هېوادونو اعلان کړی چې دوی د کابل هوايي ډګر څخه د اتباعو ايستلو خپل عمليات پای ته رسولي او د ناټو ډېری نور غړي هېوادونه به د خپلو اتباعو او خپلو همکارانو ايستلو لپاره له دې وروسته الوتنې ونه لري. د امريکا د دفاع وزارت په وينا په تېرو دوو اوونيو کې يې د کابل هوايي ډګر له لارې نېږدې ۱۱۰ زره کسان ايستلي دي. امریکايي ځواکونه چې د وتلو د عملياتو مشري کوي د اګست پر ۳۱ به خپل شپږ زره سرتېری وباسي او د هوايي ډګر چاری به طالبانو ته وسپاري. په ورته وخت کې طالبانو رویټرز خبري اژانس ته ویلي، دوی د یاد هوايي ډګر د ټولو برخو تسلیمۍ ته تیار دي.