طالبان: ننګرهار کې مو لسګونه مشکوک کسان لۀ وسلو او مهماتو سره نیولي دي
تراوسه د نیول شویو کسانو په اړه څه نه دي ویل شوي چې کومې ډلې پورې تړلي دي او نه هم طالبانو دا ویلي دي چې څومره او کوم ډول وسلې یې نیولي دي، خو خبرپاڼې زیاته کړې چې نیول شویو کسانو ته به له څیړنو وروسته د قانون له مخې سزا ورکړل شي.
(2021 / 12 / 8 نېټه باغي ټلویزیون)
بشپړ راپور
ننګرهار کې د طالبانو د ولایت رسنیز دفتر وایي، د دې ولایت په سره رود ولسوالۍ کې یې ۱۸ تنه مشکوک کسان له بېلابېلو وسلو سره یو ځای نیولي دي.
د ولایت د رسنیو له دفتره په یوه خپره شوې خبرپاڼه کې راغلي، چې د دې ولایت د طالبانو ملي امنیت ځواکونو د سره رود ولسوالۍ په مربوطاتو کې تیره شپه چاڼیز عملیات ترسره کړي.
خبرپاڼه زیاتوي چې د دې عملیاتو پر مهال ۱۸ تنه مشکوک کسان له وسلو او مهماتو سره یو ځای نیول شوي دي.
تراوسه د نیول شویو کسانو په اړه څه نه دي ویل شوي چې کومې ډلې پورې تړلي دي او نه هم طالبانو دا ویلي دي چې څومره او کوم ډول وسلې یې نیولي دي، خو خبرپاڼې زیاته کړې چې نیول شویو کسانو ته به له څیړنو وروسته د قانون له مخې سزا ورکړل شي.
Leave a Reply