خیبر قومي جرګې د بلدیاتي ټاکنو بایکاټ اعلان وکړو

باغي ټي وي رپورټ
د ضلع خېبر په تحصیل جمرود کې د قامي جرګې مشرانو او نور غړیو د بلدیاتی انتخاباتو په ضد د بائیکاټ او احتجاجي جلسو اعلان کړی دی.
جمرود پريس کلب کښې يوي خبري غونډي ته د خيبر قامي جرګي مشرانو ملک بسم الله خان آفريدي، ملک حاجي زراب ابدال خيل، ملک نجيب آفريدي، ملک تماش شلماني، ملک داود مانيا خيل، حاجي حنيف آفريدي، حاجي ولايت مانيا خيل او نورو اوويل چې دوی د بلدیاتي ټاکنو څخه بایکاټ اعلان کوي ځکه د قبایلي سیمو شاملیدل په صوبه کې په زورشوي دي. قبائلي مشرانو اوویل چې په صوبه کې د قبایلی سیمو شاملیدل په ناانصافۍ شوي دي او دا انضمام مونږه رد کړے دے.
د یادونې ده چې اول پيښور هایی کورټ په صوبه کې د بلدیاتي ټاکنو اعلان کړې وو چې بیا د صوبایی حکومت له اړخه په سپریم کورټ کې داسې درخواست جمع شو چې دا ټاکنې دې په غیرسیاسي بنیاد وشی خو د پاکستان سپریم کورټ دا درخواست رد کړو او په صوبه کی د بلدیاتي ټاکنو په اړه حکم جاري کړو چې په صوبه او په قبایلي سیمو کې دې دا ټاکنې په سیاسي بنیاد ترسره شي، د عدالتي حکم مطابق به دا ټاکنې په ۱۹ دسمبر کیږی.