لوبې په معاشره کې مهم رول لوبوي، په صوبه کې د سپورټس په اړه ډیر ښه مثبت بدلون راغلې دې: محمود خان

باغي ټي وي رپورټ
د خېبرپښتونخوا وزيراعلي محمود خان وئيلي دي چې په صوبه کښې سپورټس د هغه د حکومت له پيل راهسې په لومړيتوبونو کښې دے او په ملک کښې د موجوده انفراسټرکچر د بيا رغولو او ښه کولو لپاره د يوې مربوطې تګلارې لاندې کار کوي. د ځوانانو لپاره د سپورت په برخه کې د اړتیا وړ نورې ټولې اسانتیاوې او په ورزشي فعالیتونو کې د دوی د زیاتې برخې اخیستنې هڅول شوي دي ، د صوبايي حکومت ددې فعالو کوششونو او منصوبو له وجهې په صوبه کې په بیلا بیلو سیمو کې ورزشي فعالیتونو کې د پام وړ زیاتوالی راغلی دی.
وزیر اعلی خیبر پښتونخوا د دې خيالاتو څرګندونه د وزيراعظم عمران خان په مشرۍ كښې د سپورټ ودې په اړه د وېډيو لينك له لارې شوې غونډه كښې د ګډون په مهال وكړه۔ په غونډه کې د پاکستان سپورټس بورډ د اداري جوړښت د بیارغونې، له صوبو سره په مشوره د ملي سپورټ پالیسي د مسودې د نهايي کولو او نورو اړوندو مسایلو په اړه یو لړ مهمې پرېکړې وشوې او اړوندو وزارتونو او ادارو ته یې مهمې لارښوونې وکړې.