که د افغانستان کنګل شوې پیسې آزادې نه شی نو د افغانستان اقتصاد به سقوط وکړي: شاه محمود قریشي

باغي ټي وي رپورټ
پاکستان د شنبې په ورځ اعلان وکړ چې د دسمبر په 19 د اسلامی هیوادونو د بهرنیو چارو د وزیرانو د شورا د غیر معمولي غونډې کوربه توب کوي.
د اې پي پي رپورټ مطابق ددې غونډې اصلي هدفونه دادي چې په جګړه ځپلي افغانستان کې د بشري ناورین او اقتصادي سقوط مخنیوي لپاره د بیړنیو مرستو اړتیااو په افغانستان کې به یو شمیر نورې ستونزې دنیا ته په ګوته کړي.
د پاکستان د بهرنیو چارو وزیر شاه محمود قریشي یوې خبري غونډې ته اوویل چې که مونږ په وخت پاملرنه ونکړو، د افغانستان نیمایي نفوس یا ۲۲.۸ میلیونه وګړي د خوراکي توکو له کمښت او ۳.۲ میلیونه ماشومان له خوارځواکۍ سره مخ کېدای شي.
هغه زیاته کړه چې دا هغه شدت دی چې مونږ او نړۍ باید پوه شي او دې ستونزې ته ځانګړې پاملرنه وشي.
قریشي زیاته کړه چې د افغانستان موجوده وضعیت ته په کتلو سره پاکستان هڅه وکړه چې د نړیوالې غونډې کوربه توب وکړي، هغه وایی چې که ددې ستونز مخنیوي په وخت و نه شي نو د افغانستان دا حالت به ګاونډیانو او ټولې سیمې لپاره به ناوړه پایلې ولري.
هغه وویل چې که چیرې د افغانستان کنګل شوې شتمنۍ د زیاتیدونکو اړتیاو سره خوشې نه شي نو هیواد به له اقتصادي سقوط سره مخ شي.

هغه وویل چې د افغانستان د وضعیت په اړه د OIC FMs دا ډول فوق العاده غونډه به ۴۱ کاله وروسته په ۱۹۸۰ کال کې جوړه شي.