کرزي هغه اوازې رد کړې چې ګواکې له کور نه ویستل شوی
پر کابل د طالبانو تر ولکې وروسته ځینو رسنیو وویل چې له ښاغلي کرزي او ډاکټر عبدالله څخه ساتونکي اخستل شوي او له کور نه ایستل شوي دي.
(2021/ 8 / 27 نېټه باغي ټلویزیون)
پخواني ولسمشر حامد کرزي تازه پخپله فیسبوک پاڼه په خپاره شوي مطلب کې ویلي چې دی او د مصالحې عاليـشورا رئیس ډاکټر عبدالله عبدالله له کوره ندي ایستل شوي او ساتونکي یې پخپل ځای دي. ښاغلي کرزي هغه اوازې بې بنسټه ګڼلي چې ګواکې دی او ډاکټر عبدالله دې له کور څخه ایستل شوي وي، نوموړي زیاته کړې چې ډیر لنډ وخت کې به طالبان ټول شموله حکومت جوړ کړي او د سیاست او قدرت تشه به ډکه شي.
Leave a Reply