په جمرود کې یو تن په ډزو ویشتل شوي او وژل شوې دې

باغی ټي وي رپورټ
د ضلع خیبر په تحصیل جمرود کې یو تن وژل شوي دې، سرچینې وایی چې یو تن باندې نامعلومه کسانو ډزې وکړي او سخت ټپي شو.
د سرچینو ترمخه د جمرود ورمنډو په سیمه کې د ډزو په پيښه کښې سبیل خان نومې تن سخت ژوبل شو چې بیا روسته د ریسکیو 1122 ته اطلاع ورکولو سره سم طبي ټیم موقع ته رسيدلي او ژوبل کسان ئي د اولني طبی امداد ورکولو نه پس د جمرود هسپتال ته ورسول.
سرچینې وایی چې په روغتون کې ډاکټرانو ددې ټپي تن مړینه تایید کړه، وسه پورې پولیس ددې تن د وژنې په اړه څه نه دي ویلي او ویل کیږي چې ددې کیس پلټنې روانې دي.