د افغانستان په طورخم کښې په سوونو ټرکونه را ایسار دي: د طورخم سرچینې

باغي ټي وي رپورټ
د افغانستان طورخم نه رارسیدلي رپورټونه وای چې هلته په سوونو خالي او د تازه میوې نه ډک په سوونه ټرکونه بند پاتي دې، د سرچینو له مخې د تازه میوې د خرابیدو خطره ده چې له وجهې ی سوداګرو ته د کروړونه روپې مالي نقصان خطره را پیښه شوې ده.
په طورخم کښې سرچینو میډیا ته ویلي چې نن صبا د افغانستان نه شوکانړې،خشکه او تازه میوه او کویله راځی چې له وجهې په طورخم پوله ډیر رش جوړ شوې دې.

د سرچینو له مخې په افغانستان کښې د سوداګرو او ټرانسپورټ یونین مشرانو نه معلومه شوې چې دوی به اول د تازه میوو ګاړي پاکستان ته پریږدي نو دې نه پس به خالي او د نور تجارتي مالونه نه ډک ګاړي پاکستان ته د داخلیدو اجازت ورکوي چې رش جوړ نه شي.

د تازه میوې او سبزې سوداګر او د ټرک مالکان غوښتنه کوي چې افغان چارواکي دې زر د تازه میوې او سبزې ګاړو ته اجازت ورکړې چې د طورخم
له لارې پاکستان ته داخل شي.