په لنډیکوتل کښې تازه میوه وس هم ګرانه ده

باغي ټي وی رپورټ
د افغانستان نه تازه میوه په واردولو ټیکس ختم شوې یا کم شوې دې ، خو په لنډیکوتل کښې د افغانستان د تازه میوې قیمتونه وس هم کم نه شو او ځایی خلق د تازه میوو په ګران قیمت خرڅولو شکایت کوي.
په لنډیکوتل بازار کښې د تازه میوې یو سوداګر سیراج اوویل چې د افغانستان نه په یو ټن انګور،انار او منړه باندې ۴۴ هزار روپې ټیکس اخستل کیدل، سوداګر اوویل چې کله نه چې حکومت د ټیکس ختمیدو اعلان وکړه نو دا ټیکس په مکمل توګه نه دې ختم بلکه په انار او په انګور دا ټیکس ۱۵ زره روپو ته راکم شو او په یو ټن منړه باندې دا ټیکس وس هم ۴۴ زره روپۍ دې.
د تازه میوو سوداګرو اوویل چې په تورخم پوله وس هم د تازه میوو آن لاین کلیرینس باندې ډیر وخت لګوي چې له وجهې ی دا تازه میوې خرابې شی او سوداګرو ته ډیر مالي زیان رسي، هغوي غوښتنه وکړه چې په تورخم پوله دې سوداګرو ته اسانتیاوي پیدا کړي او په دې دې نور هم ټیکس کم کړي چې دوی افغانستان نه تازه میوه پاکستان ته وارد کړي چې اولس ته په ارزان نرخ میوه ترلاسه شي.
د یادونې ده چې څه وخت مخکښې د پاکستان حکومت له اړخه دا علان وشو چې افغانستان نه تازه میوه پاکستان ته په واردولو مالیه ختم شوې ده خو دلته سوداګر وس هم شکایت کوي چې دوی وس هم ټیکس ورکوي چې له وجهې ی تازه میوې بیعې ټیټې نه شوې.
خو بل طرف ځایی اولس شکایت کوي او وایی چې حکومت چې په تازه میوه ټیکس کم کړې نو په لنډیکوتل بازار کښې د میوې خرڅوونکو له په کار دي چې په ارزان نرخ دا میوې په اولس خرڅې کړي چې عوام ته هم په ارزان نرخ میوه ترلاسه شي.