د هندي ټلویزیون مشهور اداکار آر ویوین ډیسینا وايي، په روژه کې یې اسلام قبول کړی او دا میاشت زما زړه ته ډېره نږدې ده.

باغی ټي وي رپورټ
د هندي ټلویزیون مشهور اداکار آر ویوین ډیسینا وايي، په روژه کې یې اسلام قبول کړی او دا میاشت زما زړه ته ډېره نږدې ده.

دغه ۳۵ کلن اداکار له هندي رسنیو سره په یوه تازه مرکه کې ویلي، چې ما څو کاله وړاندې د روژې په مبارکه میاشت کې اسلام قبول کړ او همدا لامل دی، چې د اسلام دین ته له ننوتلو وروسته دا میاشت زما زړه ته ډېره نږدې ده. دا زما شپږم رمضان دی او د الله تعالی په فضل هر کال روژه نیسم.
اداکار ویوین ډیسینا ویلي، چې د روژې د میاشتې روژه په مسلمانانو فرض ده، ځکه چې دا د اسلام له پنځو رکنونو څخه دی، نو زه تر دېرشو ورځو پورې روژه نیسم، پرته لدې چې د ناروغۍ په څیر عذر وي.

اداکار وویل چې زه هڅه کوم چې د روژې مبارکه میاشت په بحرین کې له خپلې کورنۍ سره تېره کړم، له دې به انکار نه کوم چې په پیل کې زما لپاره روژه نیول خورا ستونزمن وو ځکه چې زه له قهوې او اوبو پرته ژوند نه شم کولای، خو اوس زما کورنۍ او ملګري په دې هم فکر کوم چې څنګه له اوبو او قهوې پرته ۱۳ یا ۱۴ ساعته پاتې شم، د الله تعالی په فضل سره د روژې سفر راته اسانه شوی دی.

باید وویل شي چې ویوین ډیسینا په ۲۰۱۳ کال کې له وهبیز دورابجي سره واده کړی و، چې په ۲۰۱۷ کال کې پای ته ورسېده او په ۲۰۲۲ کال کې یې له مصرۍ خبریالې نورین علي سره واده وکړ او هندي رسنۍ وايي، چې دواړه یوه لور لري.

ویوین ډیسینا د هندي ټلویزیون په ډیرو مشهورو ډرامو کې د خپل اداکاري چوپړونه ښودلي دي، په شمول د بس تم، مدھوبالا، پیار کی اک داستان.