د هند په هریانا ایالت کې د بزګرانو له لوري احتجاج پر مهال د پولیسو په ډزو کې یو ۲۱ کلن بزګر وژل شوی دی.

باغی ټي وي رپورټ
د هند په هریانا ایالت کې د بزګرانو له لوري احتجاج پر مهال د پولیسو په ډزو کې یو ۲۱ کلن بزګر وژل شوی دی.

د كشمير ميډيا سروس له مخې پوليسو د هندي پنجاب په خانوري پوله كښې په مظاهره كوونكو كروندګرو د اوښكې بهوونكو ګازو او ګوليو ډزې وكړې چې په نتيجه كښې ئې ځوان كروندګر شوباكرن سنګهـ مړ او 25 نور ژوبل شول۔

بل خوا هندي چارواکو تایید کړې، چې پرون له پولیسو سره په نښته کې یو ۲۱ کلن بزګر په سر کې د مرمۍ د لګېدو له امله مړ شوی او په دې نښتو کې ۱۲ پولیس ټپیان شوي، چې وروسته د ډیلي چلو مارچ پیل شو. د 2 ورځو لپاره وځنډول شو.
د هندي رسنیو له مخې، بزګرانو د هریانا پولې ته څېرمه خپل احتجاج ته د دوام ورکولو اعلان کړی، چې له امله یې د امنیتي اندېښنو په پام کې نیولو سره د هریانا په ۷ ولسوالیو کې د موبایل انټرنیټ خدمات ځنډول شوي دي.

د کروندګرو ډلو د دولت پر پولیس او مرکزي حکومت باندې د بزګر د وژلو پړه اچولې ده.

بايد يادونه وشي، چې په هند کې کروندګر د خپلو حاصلاتو د لږ تر لږه امدادي بيې د تضمين لپاره د قانون غوښتنه کوي، چې پر وړاندې يې کروندګر لاريونونه کوي.