باغی ټي وي رپورټ
د پيپلز پارټۍ مرکزي ايګزيکټيو کمېټۍ په بلوچستان کې د حکومت جوړولو پرېکړه کړې ده.
تيره ورځ د پيپلز پارټۍ د مرکزي ايګزيکټيو کميټۍ د غونډې په اوله ورځ دننه کيسه مخې ته راغلې وه چې پکښې د سي اي سي پنجاب غړو د نگران صوبائي حکومت په ضد شکايتونه کړي وو۔
دسرچينو له مخې په غونډه کې دپنجاب غړو وويل چې دپنجاب څوکۍ لوټ شوې، څوک چې انتخاب شوي هغه په سيالۍ کې نه دي، صوبايي حکومت د ګټلو څوکيو په لټه کې دانتظاميې په مرسته زمونږ بريا په ماتې بدله کړه.
دسرچينو ترمخه دپيپلز ګوند سي اي سي پي پي بلوچستان ته خراج تحسين کړى اؤ په صوبه کې يې دحکومت جوړولو فيصله کړې ده.
سرچينې وايي، د سي ای سي په غونډه کې پرېکړه شوې چې په بلوچستان کې د حکومت جوړولو لپاره به له نورو ګوندونو سره د تماس لپاره د نن ورځې په غونډه کې يوه کمېټه هم جوړه شي.
دسرچينو ترمخه په لمړۍ ورځ په غونډه کې گڼ شمير غړو د(ن) ليگ په مشرۍ په حکومت کې دگډون په اړه خپل نظرونه ورکړي وؤ په داسې حال کې چې غړو هم دپي ټي ائي له ازادو غړو سره دخبرو کولو خپل نظر ورکړى ؤ.
