هند دې دا فکر ونه کړي چې کشمیر په قبرستان بدلولو سره دلته امن قایم کړې دې : وزیر اطلاعات

باغی ټي وي رپورټ
د اطلاعاتو سرپرست وزیر مرتضی سولنګي وايي، هند دې دا فکر ونه کړي چې کشمیر یې په قبرستان بدلولو سره ی امن قایم کړو.

د خارجه دفتر لخوا د کشمیر د پیوستون د ورځې په مناسبت جوړه شوې دستوره کښې میډیا سره خبرو کښې مرتضی سولنګي اوویل چې کشمیر په کال ۱۹۴۷ کښې هم د خود ارادیت غوښتنه کړې وه.

ده ووئيل چې كشميريانو د 1987م كال د تش په نامه انتخاباتو په ضد خپل غږ پورته كړو او دا د كشمير څلورم نسل دے چې له دې ظلم سره مخامخ دي۔
نگران وفاقي وزير وئيلي دي چې هند دې دا فکر نه کوي چې کشمير ته يې د هديرې په جوړولو سره په دره کښې امن قائم کړے دے، کشميريان د خپل حق خود اراديت لپاره هلې ځلې کوي او مونږ ورسره ولاړ يو.

له دې وړاندې خپل پېغام كښې نگران وفاقي وزير ووئيل جمو او كشمير د ملګرو ملتونو د سلامتي كونسل په اېجنډا كښې يو له اوږدې مودې راهسې د كشمير مسله ده خو د هند د ضد او نقيض اقداماتو او د بشري حقونو او نړيوالو قوانينو خلاف ورزيو له وجې د كشمير مسله لانجمنه شوې ده۔ تر اوسه پورې حل شوی نه دی.

ده ووئيل چې هند په كشمير كښې له غير انساني حركاتو، وحشيانه قوانينو او رياستي ترهه ګرۍ څخه كار اخلي، د كشمير د مسئلې حل د كشمير د خلكو له هيلو او اړوندو پرېكړو سره سم د پاكستان وروستۍ موخه ده، د جمو د ايالت په اړه وروستې پرېكړه او د كشمير د مسئلې حل كول د كشمير د اولس د خوښې وړ دي۔ کشمیر به یوازې د کشمیریانو د ارادې مطابق وي او کشمیریان به خامخا د ظلم او غیر قانوني اشغال په وړاندې په زړورتیا مبارزه کې مخکښ وي.