باغی ټي وي رپورټ
د پي ټي آئي د باني عمران خان او د عوامي مسلم ليګ مشر شيخ رشيد په ضد د مئي په نهمه مقدمې کښې د پي ټي آئي د پنجاب اسمبلۍ پخوانې سپيکر او د قامي اسمبلۍ پخوانې غړې وعده معاف ګواه شوې دې.
سرچينې وائي چې دپنجاب اسمبلۍ پخوانى سپيکر واثق قيوم، دقومي اسمبلۍ پخوانى غړى صداقت عباسي اؤ عمر تنوير بټ دقضيې شاهدان شوي دي.
دسرچينو ترمخه صداقت عباسي، واثق قيوم اؤ عمر تنوير بټ په عدالت کې 154 بيانونه ريکارډ کړي دي.
سرچينې وائي چې دقومي اسمبلۍ حلقه اين اے 53 څخه دپي ټي ائي ملاتړي کانديد اجمل صابر هم دشيخ رشيد په ضد گواه شوى دى.
اجمل صابر په خپل بیان کې ویلي چې شیخ رشید د مۍ په شپږمه په لال حویلی کې غونډه رابللې وه چې پکې د مې د نهمې نېټې د پېښو پلان جوړ شوی و.
عیني شاهدانو په خپلو بیانونو کې ویلي چې د می د نهمې پیښې د شیخ رشید، راجا بشارت، راشد شفیق، اعجاز خان، راشد حفیظ او د تحریک انصاف بانی عمران خان په امر پلان شوې وې.
ياده دي وي چي د پي ټي آئي ملاتړي اميدوار اجمل صابر دا وخت د نهم مئ په مقدمو کښي د پوليس په توقيف کښي دے
د ترهګرۍ ضد عدالت د پي ټي آئي باني عمران خان، شيخ رشيد او راشد شفيق د فرورۍ په شپږمه نيټه طلب کړي دي۔
Leave a Reply