امریکا ترکیې ته د F-16 جنګي الوتکو د پلورلو اجازه ورکړه

باغی ټي وي رپورټ
امریکا ترکیې ته د F-16 جنګي الوتکو د پلورلو اجازه ورکړه.

د بهرنيو ميډيا له مخې د امريكې حكومت تركيې ته د 23 اربه ډالرو په ارزښت د 40 F-16 جنګي جټ الوتكو د خرڅولو لپاره د اوږدې مودې ځنډېدلې معاملې منظوري وركړې ده چې 79 عصري كيټونه هم په كې شامل دي۔

سربیره پردې، د امریکا د بهرنیو چارو وزارت ویلي چې کانګرس یونان ته د 8.6 ملیارد ډالرو په ارزښت د 35 F-16 جنګي جټ الوتکو پلور تصویب کړی دی.د رسنیو راپورونو کې ویل شوي چې د ترکیې له خوا په ناټو کې د سویډن د غړیتوب له تصویب سره سره، د الوتکو د تړون نشتوالي د متحدینو ترمنځ اړیکې ترینګلې کړې دي.

د راپورونو له مخې ترکیې په لومړي ځل په ۲۰۲۱ کال کې د ایف ۱۶ الوتکو غوښتنه کړې وه، خو د سویډن له خوا په ناټو کې د غړیتوب د منظورۍ له امله دغه معامله وځنډول شوه، چې ترکیې د سویډن له خوا د کرد بېلتون غوښتونکو د ملاتړ په اړه اندېښنه څرګنده کړه.

خو د ترکیې ولسي جرګې روانه اوونۍ په ناټو کې د سویډن غړیتوب تصویب کړ، چې وروسته ولسمشر رجب طیب اردوغان لاسلیک کړ.