نړۍوال بنسټونه: خطر سره مخ افغانان دې لة افغانستان څخه واېستل شي

نړۍوال بنسټونه: خطر سره مخ افغانان دې لة افغانستان څخه واېستل شي

امریکا د اګسټ میاشتې په دوو اوونیو کې شاوخوا ۱۲۴ زره کسان له افغانستان بهر کړل، خو لا هم په زرګونه هغه کسان په افغانستان کې بند پاتي چې ځانونه په خطر کې احساسوي.

(2021 / 11 / 2  نېټه باغي ټلویزیون)

بشپړ راپور

د راپورونو له مخې، ۱۰۳ غیر دولتي سازمانونو په یوه لیک کې له ولسمشر جوبایډن غوښتي، چې د خطر سره مخ افغانانو د لېږد بهیر چټک کړي.

یادو بنسټونو په یاد لیک کي د یادو افغانانو د ژوند په اړه اندېښنه څرګنده کړې او غوښتنه یې کړې چې ژر تر ژره باید له افغانستان څخه وایستل شي.

دغو بنسټونو او ادارو چې په پراختیایي، بشري، سولې، د پناهندګۍ، کډوالۍ او مېشتېدو په چارو کې کار کوي، د امریکا د ملي امنیت سلاکار جک سولیوان ته په استولي لیک کې ویلي چې ډېر دغه افغانان چې د پخواني حکومت په بېلابېلو، قضا، مدني ټولنې، رسنیو او د بشري حقونو برخو کې یې کار کاوه، اوس ګواښل کېږي.

په دې لیک کې د بایډن پر ادارې نیوکې شوي چې د زیانمنېدونکو افغانانو د لېږد بهیر ته یې لومړیتوب نه‌دی ورکړی.

دوی د امریکا د ولسمشر جو بایډن له ادارې غوښتل شوي چې د زیانمنېدونکو افغانانو لېږد ته لومړیتوب ورکړي او دا مساله یقیني کړي چې دوی په خوندي ډول لېږدول کېږي.

امریکا د اګسټ میاشتې په دوو اوونیو کې شاوخوا ۱۲۴ زره کسان له افغانستان بهر کړل، خو لا هم په زرګونه هغه کسان په افغانستان کې بند پاتي چې ځانونه په خطر کې احساسوي.