د پاکستان بهرنیو چارو وزارت وايي، پاکستان په ایران کې د پولیسو پر مرکز د ترهګریز برید غندنه کوي

باغی ټي وي رپورټ
د پاکستان بهرنیو چارو وزارت وايي، پاکستان په ایران کې د پولیسو پر مرکز د ترهګریز برید غندنه کوي.

دخارجه دفتر لخوا جاري شوي يو بيان کې وئيل شوي چې پاکستان په ايران کې دراسک په پوليس هيډکوارټر دترهگرۍ بريد په کلکه غندي.

په بیانیه کښې په دغه ترهګره پېښه کښې د ۱۱ ایرانی افسرانو په مړینه د خواشینۍ په څرګندولو سره د زخمیانو د عاجلې روغتیا دعا وشوه.

خارجه دفتر زیاته کړه د پاکستان حکومت او خلک د غم په دې وخت کښې د ایران له حکومت او د هغوی له ایرانی وروڼو سره دی.

د خارجه دفتر په بيان كښې وئيلي شوي چې ترهګري نه يوازې سيمه ايز بلكې د نړۍ امن او سلامتيا لپاره هم يو جدي خطره ده چې د هغې د ختمولو لپاره بايد د دوه اړخيزه او سيمه ايز مرستې په شمول هر ډول ممكنه اقدامات وكړي شي۔

باید وویل شي، چې د ایران په سیستان بلوچستان سیمه کې د پولیسو پر مرکز د وسله والو په برید کې ۱۱ ایراني افسران وژل شوي دي.