د روغتیا نړیوال سازمان (WHO) وايي چې په ټوله نړۍ کې ماشومان د الکترونیکي سګرټو په جال کې اچول کیږي

باغی ټي وي رپورټ
د روغتیا نړیوال سازمان (WHO) وايي چې په ټوله نړۍ کې ماشومان د الکترونیکي سګرټو په جال کې اچول کیږي.

د روغتیا د نړیوال سازمان په وینا، ماشومان د ټولنیزو رسنیو له لارې الکترونیکي سګرټو ته متوجه کیږي او ماشومان د الکترونیکي سګرټو په کارولو سره په نیکوتین روږدي کیږي.

د روغتیا نړیوال سازمان وايي، د الکترونیکي سګرټو له ۱۶۰۰۰ څخه زیات خوندونه بازار ته وړاندې کیږي، د ماشومانو د الکترونیکي سګرټو د روږدي کیدو د مخنیوي لپاره بیړنیو اقداماتو ته اړتیا ده، الکترونیکي سګریټ د سګریټو په پریښودو کې هیڅ مرسته نه کوي.

د روغتیا نړیوال سازمان په وینا، د نړۍ په ۸۸ هیوادونو کې د الکترونیکي سګرټو د خرڅلاو لپاره د عمر محدودیت نشته، په داسې حال کې چې د نړۍ په ۷۴ هیوادونو کې د الکترونیکي سګرټو په اړه کوم قانون نشته.

د روغتیا نړیوال سازمان د الکترونیکي سګرټو د زیانونو په اړه ویلي چې الکترونیکي سګریټ د سرطان، زړه، سږو او دماغو د ناروغیو لامل هم ګرځي او د الکترونیکي سګرټو د خرڅلاو د مخنیوي لپاره سخت قانون جوړونې او تطبیق ته اړتیا ده.