عدالت د کرپشن ضد مقدمه کښې د استحکام پاکستان پارټۍ مشر فواد چوهدري په یو ورځنې ریمانډ باندې انټي کرپشن ته حواله کړې دې

باغي ټي وي رپورټ
اسلام آباد: عدالت د کرپشن ضد مقدمه کښې د استحکام پاکستان پارټۍ مشر فواد چوهدري په یو ورځنې ریمانډ باندې انټي کرپشن ته حواله کړې دې.
د اوريدنې په مهال جج قاضي ماجد وويل د پنجاب اينټي کرپشن ډيپارټمنټ د فواد چوهدري جوډيشل ريمانډ ته اړتيا لري، مدعي د راولپنډۍ اوسېدونکی دی، فواد چوهدري ته د کرپشن د مخنيوي ادارې لخوا څه نوټس ورکړی شوی دی؟ تفتیش، تحقیق نه دی شوی، خبرتیا ورکړل شوې مګر بیرته اخیستل شوی.

بلخوا پراسيکيوټر عدنان علي د يو ورځني ريمانډ غوښتنه کړې او ويلي يې دي چې په اسلام اباد کې يې ضمانت نه شي جمع کيداى ځکه چې فواد چوهدري تر نظر لاندې دى، د ريمانډ په مرحله کې د کېس فيصله نه شي کولى.
ورسته عدالت د استغاثې په درخواست د فواد چوهدري په ريمانډ باندې فيصله محفوظ کړې وه کومه چې څه موده پس واورول شوه او د استغاثې غوښتنه يې ومنله.

عدالت فواد چوهدری په یو ورځنی ریمانډ باندی د کرپشن ضد عدالت ته حواله کړی دی.