باغی ټي وي رپورټ
د ملګرو ملتونو عمومي اسمبلۍ د یهودي میشت ځایونو په ضد د فلسطینیانو په حق کې پنځه پریکړه لیکونه تصویب کړل چې په کې مهاجرینو ته مرستې، د مرستې عملیات او د شتمنیو ساتنه شامله ده.
د ملګرو ملتونو په عمومي اسمبلۍ کې ۱۶۸ هېوادونو له فلسطيني کډوالو سره د مرستې په حق کې د منظور شوي پرېکړه ليک په حق کې رايه ورکړه، په داسې حال کې چې د امريکا په ګډون ۱۰ هېوادونه د رايې ورکولو له بهير څخه غير حاضر وو.
په فلسطین کې د امدادي عملیاتو په اړه د ملګرو ملتونو د امدادي ادارې پریکړه لیک په ۱۶۵ رایو سره تصویب شو، په داسې حال کې چې د فلسطیني کډوالو د شتمنیو د ساتنې په اړه پریکړه لیک د ۱۶۳ هیوادونو له خوا تائید شو.
د فلسطین په خاوره کې د یهودي میشت ځایونو د جوړولو پر ضد پریکړه لیک په ۱۴۹ رایو سره تصویب شو، په داسې حال کې چې د فلسطینیانو د حقونو پر ضد د اسرائیلو د اقداماتو د څیړلو پریکړه لیک ۸۶ رایو ترلاسه کړ.
د فلسطین د حقوقو خلاف د اسراییلو د اقداماتو د څیړلو په اړه د پریکړه لیک لپاره د رایې اچونې په بهیر کې ۷۵ هیوادونه غیر حاضر وو او ۱۲ هیوادونو د پریکړه لیک خلاف رایه ورکړه.
تر دې مخکې د ملګرو ملتونو عمومي منشي انتونیو ګوتریش د امنیت شورا ته په یوه لیک کې د ملګرو ملتونو د ۹۹ مادې له مخې په غزه کې د اوربند غوښتنه کړې وه.
Leave a Reply