باغی ټي وي رپورټ
د پاکستان د بهرنیو چارو وزارت ویاندې ممتاز زهرا بلوچ وايي، په راتلونکو ورځو کې به مهم امریکايي چارواکي پاکستان ته سفر وکړي.
د پاکستان د بهرنیو چارو وزارت ویاندې ممتاز زهرا بلوچ وايي، د پاکستان او امریکا تر منځ پر یو شمېر مسایلو سلا مشورې روانې دي او د سلا مشورو د بهیر د پرمخ بیولو لپاره د لیدنو تبادله هم کېږي.
ممتاز زهرا بلوچ ویلي چې په راتلونکو ورځو کې به مهم امریکايي چارواکي هم پاکستان ته سفر کوي، د نفوسو، کډوالو او مهاجرت په چارو کې د بهرنیو چارو وزارت مرستیاله به پاکستان ته ورځي.ده ووئيل چې جوليټ والس نوئيس به د دسمبر له 4 نه تر 6 پورې د پاكستان دوره كوي٬ د افغانستان لپاره ځانګړى استازى ټام ويسټ به د دسمبر له 7 نه تر 9 پورې اسلام آباد او د ډېسمبر له 9 نه تر 12 مې نېټې پورې به د خارجه وزارت مرستياله اليزبت هورسټ دوره كوي۔
د بهرنیو چارو وزارت ویاند ویلي، چې د امریکايي چارواکو لیدنې یوازې د افغانستان په ستونزو پورې محدودې نه دي، دا لیدنې له امریکا سره د افغانستان د وضعیت په ګډون په ګڼو مسایلو د روانو خبرو برخه ده.
Leave a Reply