باغي ټي وي رپورټ
حماس غوښتنه کړې چې د ټیسلا، اسپیس ایکس او ایکس مالک ایلون مسک د اسراییلو په څیر غزې ته لاړ شي او د اسراییلو لخوا دې په فلسطین کښې بربادي ویجاړتیا وګوري.
د حماس مشر او وياند اسامه حمدان په بيروت کې د يوې خبري غونډې پر مهال وويل، خوشې شويو فلسطيني بنديانو څرګنده کړې، چې د اسراييلو چلند څومره وحشي و.اسامه حمدان وویل چې مسلمان او عربي هیوادونه باید د OIC د غونډې پریکړه لیکونه تعقیب کړي، په غزه کې باید د ورځنیو مرستو د لاریو شمیر زیات شي، ایلون مسک هم باید د غزې لیدنه وکړي لکه څنګه چې هغه د اسراییلو څخه لیدنه وکړه ، هغه زیاتوي چې مسک دې په غزی کښې د اسرایلي له لوري بربادي او ویجاړی اوګوري.
د حماس مشر وويل چې اسراييل په غزه کې خپل هيڅ هدف نه شي تر لاسه کولای، اسرائيل په غزه کې له پوځي او سياسي لحاظه په بشپړه توګه ناکامه شوي دي.
هغه وويل چې په ځمکنيو عملياتو کې د وژل شويو اسرائيلي پوځيانو شمېر له ورکړل شوي شمېر څخه زيات دى، تر ١٠٠٠ زيات اسرائيلي سرتېري ټپيان شوي دي، په ټپيانو کې ٢٠٠ اسرائيلي سرتېري سخت ټپيان دي، چې په راتلونکو ورځو کې به د دښمن زيانونه زيات شي، اسراییلي ځواکونه د غزې د ۸۰ سلنه خاورې په نیولو او اخستلو کښې هم پاتې راغلي دي.
Leave a Reply