د پاکستان او متحده عرب اماراتو ترمېنځه د ميلياردونو ډالرو په ارزښت تفاهم ليکونه لاسليک شوي دي.

باغي ټي وي رپورټ
نگران وزيراعظم انوار الحق کاکړ له ابوظهبي څخه ملت ته په يو مهم پېغام کې وئيلي دي چې د پاکستان او متحده عرب اماراتو ترمينځ د څو اربو ډالرو په ارزښت د تفاهم يادداشتونه لاسليک شوي دي.

نگران وزيراعظم چې د متحده عرب اماراتو په دوره روان دے ملت ته په يو خاص پېغام کښې وئيلي دي چې د پاکستان او متحده عرب اماراتو ترمېنځه د ميلياردونو ډالرو په ارزښت تفاهم ليکونه لاسليک شوي دي.

د نگران وزيراعظم وينا ده چې نن شيخ محمد بن زايد آل نهيان دوه اړخيزه اړيكو ته يو نوى ابعاد وركړې، ډېر زر به د پاكستان په معيشت مثبت اثرات رابرسېره شي، د متحده عرب اماراتو ترمېنځه د اقتصادي مرستې نوې دور به پېل شي۔ د پاکستان او اماراتو په اړيکو کې د ثبات او ستراتيژيکو همکاريو نوى پړاو پيل شوى دى.

Caretaker Prime Minister Anwaar-ul-Haq Kakar today held a bilateral meeting with His Highness Sheikh Mohamed bin Zayed Al Nahyan, President of the United Arab Emirates in Abu Dhabi. Chief of Army Staff General Syed Asim Munir, NI (M) was also present at the occasion.

The… pic.twitter.com/y5RGQNE5jz

— Prime Minister's Office (@PakPMO) November 27, 2023

ده ووئيل د تفاهم يادداشت د لاسليك كولو په موقع د پوځ سرلښكر جنرال عاصم منير او نگران وفاقي وزيران هم موجود وو، د دستخط په دستوره كښې د متحده عرب اماراتو وزيرانو هم ګډون وكړو۔

امارات به په پاکستان کې له ۲۰ تر ۲۵ میلیارده ډالره پانګونه وکړي
په دې لړ کې سرچینې وايي چې متحده عربي امارات به په پاکستان کې له ۲۰ تر ۲۵ میلیارده ډالرو پانګونه وکړي.

د سرچينې د معلوماتو له مخې، د انرژۍ، بندرونو د فعاليتونو په پروژو، د فاضله اوبو د تصفيې په برخو، د خوراکي توکو د امنيت، لوژستيک او د کانونو په سکتور کې به پانګونه وشي.