پر غزې د اسرائیلي یرغل دوام، د شهیدانو شمېر ۱۳ زره ۳۰۰ ته رسېدلی

باغی ټی وی رپورټ
په غزه د اسرائیلو تیری ۴۵ ورځی هم دوام لری، اسرائیلی ځواکونو د نړیوالو قوانینو په خلاف ورزۍ سره د ملکی خلکو استوګنځی، د کډوالو پنډغالی، ښوونځی، روغتونونه او عبادت ځایونه په بې رحمانه بریدونو کی نه دی پریښی.

د عربي رسنیو له مخې، د غزې د رسنیو دفتر وايي، د اکتوبر له اوومې راهیسې د اسرائیلو په بریدونو کې د شهید شویو فلسطینیانو شمېر ۱۳۳۰۰ ته رسېدلی دی.

د غزې تړانګې د ادارې د رسنیو د دفتر په خبرپاڼه کې ویل شوي، چې په شهیدانو کې ۵ زره ۶۰۰ ماشومان او ۳ زره ۵۵۰ ښځې هم شاملې دي.