د خيبرپښتونخوا په ډيره اسماعيل خان ضلع کې دپرائيويټ کمپني په ګاډي دترهگرو لخوا د ډزو په نتيجه کې دوه ملکي مامورين او يو عسکر وژل شوي دي.

باغي ټي وی رپورټ

د پاکستان د پوځ د عامه اړیکو څانګې (آی ایس پي آر) له مخې، ترهګرو د ډي آئي خان په درزنده سیمه کې د یوې شخصي کمپنۍ په ګاډي ډزې کړي چې په نتیجه کې یې دوه بې ګناه ملکي کارکوونکي وژل شوي دي.

د آئي ايس پي آر ترمخه يو شخصي کمپني په سيمه کښي په يو پرمختيائي منصوبه کار کوي په شهيدانو کښي محمد فيصل او آصف کامران شامل دي کوم چي د کرک سره تعلق لري۔ آئي ايس پي آر وئيلي دي چي سپاهي شاهين شاه هم ډي آئي خان کښي د ترهه ګرو سره په زړورتيا سره مقابله کښي شهيد شوے دے۔

د آئي اېس پي آر له مخې د هنګو اوسېدونکی سپاه شاهین شاه د منصوبې د امنیت ذمه واري په غاړه لرله.

بل لوري ته دپوځ ائي ايس پي ار وينا ده چې امنيتي ځواکونو دخيبر ضلعې په باړه سيمه کې استخباراتي عمليات کړي چې پکې يو ترهګر وژل شوى دى.

د آئي ايس پي آر ترمخه د وژل شوي ترهګر شناخت قدرت شاه عرف ابوبکر په نوم شوی دی، د وژل شوي ترهګر نه وسله او بارودي مواد هم ترلاسه شوي دي.

آئي ايس پي آر وئيلي دي چي وژل شوي ترهګر په يو شمير ترهه ګريزو کارروائيو کښي ککړ وو، سيمه کښي د ترهګرو په ضد عمليات روان دي۔