د پاکستان تحريک انصاف د خيبر پښتونخوا د نگران وزيراعلي اعظم خان په مړينه او د انتظامي او آئيني بحران په اړه غبرګون ښودلی دی.

0
42

باغي ټي وی رپورټ

د پي ټي آئي وياند وايي په خېبر پښتونخوا کې جدي انتظامي او آئيني بحران ډېر د اندېښنې وړ دی، دا د صوبې د خلکو او ملي امنيت لپاره د سترې اندېښنې لامل دی.

وياند وايي، خيبر پښتونخوا له جغرافيايي او داخلي پلوه ستر حساسيت ته اړتيا لري، په افغانستان کې د حالاتو او د نگران حکومت د کمزورې بهرنۍ تګلارې له امله حالات کړکېچن کېږي، د خېبر پښتونخوا په ګډون بايد د پاکو او رڼو ټاکنو ترسره کېدو ته ډاډ ورکړل شي. اساسي قانون

بل خوا د خېبرپښتونخوا ګورنر غلام علي د نگران وزیراعلی د ټاکلو حکم جاري کړی دی.

د حکم له مخې ريټائرډ جسټس ارشد حسين شاه د آرټيکل 224 لاندې نگران وزيراعلي ټاکل شوې دې۔

په حکم کې ویل شوي چې محمود خان او اکرم خان دراني د نگران وزیراعلی په توګه د جسټس ریٹائرډ ارشد حسین شاه په نوم اتفاق کړی دی.

د فرمان له مخې د اعظم خان د مړینې له امله د سرپرست اعلی وزیر ټاکل اړین دي.

Leave a reply