باغي ټي وی رپورټ
د پاکستان د لوبډلې ځینې لوبغاړي به سبا سهار او ځینې به ماښام له هند څخه دوبۍ ته ورسیږي.
د پاکستان لوبډلې لوبغاړي به له دوبۍ څخه خپلو ښارونو ته الوتنه کوي.
د یادولو وړ ده چې ملي لوبډله دا مهال په کلکته کې ده چیرې چې د ۲۰۲۳ کال نړیوال جام کې خپله وروستۍ لوبه د انګلستان خلاف ترسره کوي.
د نړیوال جام په ۴۴مه لوبه کې انګلستان پاکستان ته د ګټلو لپاره ۳۳۸ منډې هدف ورکړی و، پاکستان باید دغه هدف په ۶.۴ اورونو کې ترلاسه کړی وای چې نیمه پایلوبې ته ورسېږي، خو پاکستان دا ناممکنه ممکنه نه کړه.
پاکستان تر دې دمه په نړیوال جام کې ۸ لوبې کړي دي چې ۴ یې ګټلي دي، که پاکستان نن خپله نهمه لوبه وګټي نو په نړیوال جام کې به یې پنځم مقام خپل کړي.
Leave a Reply