د کراچۍ په ملير جيل کې بندي ۸۰ هندي کب نيوونکي خوشي شول.

باغي ټي وی رپورټ

دسرچينو له مخې هندي کب نيوونکي په سختو امنيتي تدابيرو کې کينټ سټيشن ته وړل شوي چې له هغه ځايه به دعلامہ اقبال ایکسپریس په ذريعه لاهور ته رسول کيږي او بيا به واګه بارډر ته رسول کيږي.

د سعد ایدهي په وینا، ایدهي فاونډیشن د هندي کب نیونکو د سفر ټول لګښتونه ورکوي.

هغه زياته کړه، چې د ايدهي بنسټ له خوا هندي کب نيوونکو ته پيسې، جامې او د اړتيا وړ وسايل هم ورکړل شوي دي.

له بلې خوا هندي کب نیونکي له زندانه تر خوشي کېدو وروسته ډېر خوشاله دي، دوی وايي له کلونو وروسته کور ته په ستنېدو خوښ دي، د خپلې کورنۍ او اولادونو یادونه کوي، دلته زموږ سره ډېر ښه چلند شوی.