باغي ټي وي رپورټ
د پټروليم ډويژن د سرچينو ترمخه د حکومت لخوا د پټروليم مصنوعاتو د سټراټيجيک ذخائر زياتولو فيصله د مينځني ختيز صورتحال په وجه شوې ده۔
د سرچينو له مخې پاکستان تېل واردوي خو دذخيره کولو ظرفيت زياتولو ته سخته اړتيا ده، دپيټروليم مصنوعاتو ستراتيژيک ذخيره به دپي ايس او لخوا ساتل کيږي.
سرچینه وايي، دا مهال په هېواد کې د نفتي توکو شرکتونه اړ دي چې د ۲۱ ورځو لپاره نفتي توکي ذخیره کړي، حکومت غواړي چې د نفتي توکو ستراتیژیکې زېرمې لږ تر لږه د ۳ میاشتو لپاره وي.
د پټروليم ډويژن سرچينې وايي، د هېواد د اړتياوو له دقيقې ارزونې وروسته به د تېلو وروستۍ ذخيره او موده وټاکل شي، چې د دې لپاره حکومت د يوه چوکاټ جوړولو پرېکړه کړې ده.
دسرچينو له مخې د تېلو او ګازو تنظيمولو اداره (اوګرا) به په سمدستي توګه د نړيوالو ماهرينو په مرسته د سټراټيجيک پټروليم ذخائرو په اړه يو نوی چوکاټ تياروي، په نوي چوکاټ کې به د کورني خام تېلو، د ريفائنډ پټروليم اړتياوې او ذخيره ټاکل کېږي. چوکاټ به د مختلفو محصولاتو د ستراتیژیکو پټرولیم زیرمو موده هم وټاکي.
Leave a Reply