نن له پاکستانه د غیر قانوني اوسیدونکو د وتلو وروستۍ ورځ ده، چې له هغې وروسته به سبا په ټول هیواد کې عملیات پیل شي.
![](https://pashto.baaghitv.com/wp-content/uploads/2023/06/Afghanistan-refugees-Pakistan-905x613.webp)
باغی ټی وی رپورټ
د هېواد په تاريخ کې د لومړي ځل لپاره د کورنيو چارو وزارت د بهرنيو چارو د قانون 1946 لاندې ټولو ولايتونو ته د غير قانوني اوسېدونکو د شړلو حکم صادر کړ چې له مخې به يې تر محاکمې لاندې او په کوچنيو جرمونو محکوم شوي افغانان ويستل کېږي.
پریکړه وشوه چې هغه افغانان چې تر محاکمې لاندې دي او په جدي جرمونو محکوم شوي دي نه ایستل کیږي.
د کورنیو چارو سرپرست وزیر سرفراز بګټي وايي، هغه کسان چې غیر قانوني اوسېدونکو ته کورونه په کرایه ورکوي هم په دې جرم کې برابر شریک دي.
د پنجاب په مختلفو ضلعو کښې د هولډنګ علاقې جوړې شوې
بل خوا د پنجاب نه په غيرقانوني توګه د مېشتو غيرملکيانو د ويستلو لپاره تياريانې بشپړې شوې دي چې پکې په مختلفو ضلعو کې د هولډنګ ځايونه جوړ کړي شوي او د سکریننګ او نقشې جوړولو عمل هم وروستي پړاو ته داخل شوی دی.
کومو خلکو ته چې ضروري اسناد نه لري د اکتوبر تر ۳۱مې نیټې پورې له هیواده د وتلو مهلت ورکړی شوی دی.د غیرقانوني کډوالو د ایستلو لپاره د رینجر او نورو ادارو مرسته روانه ده، په نیول شوو سیمو او عارضي کیمپونو کې د خوراک، طبي مرستو او امنیت انتظامات شوي دي. ..
له کراچۍ څخه څه دپاسه سل زره افغانۍ راستانه شوي دي
د سرچينې د معلوماتو له مخې، له کراچۍ څخه شاوخوا دوه سوه زره افغانان بېرته خپل هېواد ته ستانه شوي دي.
د کراچۍ ضلعي انتظاميې خبرداری ورکړی چې په ښار کې په غير قانوني توګه ميشت بهرنيان دې د اکتوبر تر ۳۱مې پورې په خپله خوښه خپلو هېوادونو ته ستانه شي.
انتظاميي د زوړ حاجي کيمپ سره نزدې کيمپونه جوړ کړي دي او د نومبر له لومړۍ نيټې څخه به غير قانوني مهاجرين نيول کيږي او لومړی به دغو کيمپونو ته ليږدول کيږي او له هغه ځايه به بيرته خپلو هيوادونو ته استول کيږي.