د پاکستان کرکټ بورډ د پخواني چیف سلیکٹر انضمام الحق خلاف د لګیدلو تورونو د پلټنو لپاره پنځه کسیزه تحقیقاتي کمیټه جوړه کړې ده.

باغی ټی وی رپورټ

د پي سي بي لخوا په جاري شوي بيان کې وئيل شوي چې د کرکټ ملي لوبډلې د انتخاب پروسې په اړه په ميډيا کې د لګېدلو تورونو په اړه به پنځه کسيزه پلټنيزه کمېټه پلټنه کوي. پينځه کسيزه تحقيقاتي کميټي به ډير زر خپل رپورټ او سفارشات پي سي بي انتظاميي ته وړاندي کړي۔

د پي سي بي له مخې کمېټۍ ته د تورونو د پلټنو بشپړ واک ورکړل شوی دی.

انضمام الحق د چیف سلیکٹر له څوکۍ استعفا کړې ده

د کرکټ د ملي لوبډلې د غوراوي مشر انضمام الحق له خپلې دندې استعفا کړې ده.

خپل بیان کې انضمام الحق ویلي خلک بې له تحقیق خبرې کوي، که په ما باندې سوالونه راپورته کیږي نو غوره ده چې استعفا ورکړم، که په ما باندې سوالونه راپورته کیږي نو غوره ده چې په څنګ کې واوسم.

هغه وویل چې زه د پاکستان کرکټ بورډ تحقیقاتو ته حاضر یم، دوی له تحقیق پرته خبرې کوي، چا ویلي چې ثبوت راکړئ، چا چې پر ما تور لګولی هغه دې هم ثبوت ورکړي.

د پلیئرز ایجنټ کمپنۍ سره هیڅ تعلق نشته: انضمام الحق

انضمام الحق ویلي چې زه د لوبغاړو د ایجنټ کمپنۍ سره هیڅ تعلق نه لرم، په داسې تورونو خفه یم.

هغه وویل چې کله چې په ما تورونه ولګول شول له بورډ سره مې خبرې کړې وې، بورډ ته مې وویل چې که شک لرئ، پلټنه وکړئ، د کمیټې تر څېړنو وروسته به له دندې ګوښه شم.

هغه زیاته کړه چې د هر څه روښانه کیدو وروسته به زه د PCB سره ناست یم، ما احساس وکړ چې زما په وړاندې تحقیقات دي نو زه باید له دندې استعفا ورکړم، موږ باید د تحقیقاتو پایلو ته انتظار وکړو.